RIFLESSI

POETIES

€ 120,00 

I’ songo chello ca nisciuno sape

‘a maraveglia d’ ‘o jurno ca schiara
‘o scuro d’ ‘a notte ca te porta ‘mbraccio
I’ songo ‘o viento ca t’accarezza ‘a faccia
‘ò sole ca te scarfa ‘e rine
‘e ricuorde ca te veneno a mente
e tutte chéllo che t’hai scurdato
i’ songo chello ca nisciuno sape
‘o pagliaccio ca te fa ridere
e nu mumento doppo te fà chiagnere
‘o destino ca t’attocca e ‘a malasciorta ca se n’è jute
I’ songo chello ca nisciuno sape
A strata dint’ ‘e scarpe e ‘a faccia stracqua
d’ ‘e penziere quanno se fà sera
I’ songo chello ca nisciuno sape
‘o silenzio cchiu niro ca ce sta
‘o silenzio cchiu niro ca ce stà
I’ songo tutta ‘a vita mia
I’ songo tutta ‘a vita mia